Edem Bekirov bel ağırsı sebebinden turıp olamay, – aqrabaları

uatv
14.08.2019
Foto Qırım Birdemligi

İşğal etilgen Qırımda qanunsız tutulğan ağır hasta Edem Bekirov arqasında ağırılar sebebinden turıp olamay.

Bu aqta Facebook saifesinde onıñ qızı Eleonora Bekirova haber etti.

“Acele şekilde oña ağırı kesici ilâclar yolladıq. Amma bu da meseleni çezmey. Bu pek ağır bir vaziyet ve bu alda kimden yardım soramağa bilmeyim”, – dep yazdı Bekirova.

Bekirov turıp olamağanı sebebinden keçken künü adliyeci Aleksey Ladin onı ziyaret etip olamadı. Çünki Bekirov onıñ yanına çıqmaq kerek.

Rusiye tarafı bunı iç bir şekilde izaatlamadı.

Hatırlatamız, avgustnıñ 8-inde Kreml nezaretindeki Qırım Yuqarı mahkemesi, qırımtatar faali Edem Bekirovnıñ apis müddetini 2019 senesi oktâbr 11-inece uzattı.

Herson vilâyetindeki Novooleksiyıvka qasabasınıñ sakini Edem Bekirov dekabrniñ 12-nde saba Qırım kirişinde Rusiye quvetçileri tarafından tutıldı. O, 78 anasını ve aqrabalarını ziyaret etmek içün Qırımğa kete edi. İşğalciler Bekirovnı yarımadada qanunsız sila saqlamasında qabaatlay.

Menba UATV
tarih 14.08.2019
kategoriyalar KREML MABÜSLERİ
paylaşmaq
UA|TV top haberleri