Edem Bekirov Aqmescit hastahanesinden SİZO-ğa qaytarıldı

uatv
15.05.2019
Foto Ukrinform-UATV

Ukraina siyasiy mabüsi Edem Bekirov bir sure hastahanede bulunğanından soñ Aqmescit SİZO-sına qaytarıldı.

Bu aqta jurnalist Anton Naumlük özüniñ Facebook saifesinde haber etmekte.

“Qanunsız silâ ve patlayıcı maddelerniñ taşımasında qabaatlanğan Edem Bekirovnı Aqmescit izolâtorından Semaşko hastahanesine çıqarıldı, anda o, bir qaç saat keçirdi. Bes-belli, böyle areketler insan aqqlarından vekâletli Lüdmila Lubina Bekirovnı ziyaret etkeni neticesinde yapıldı, oña Bekirov sağlıq vaziyetine şikâyet etken. Tibbiy baqıluvnıñ neticeleri, büyük ihtamal ile, iyunniñ başında apis müddetini uzuattıruv vaqtında tahqiqatnen işletilecek”, – dep yazdı Naumlük.

Onıñ sözlerine köre, siyasiy mabüs artıq izolâtorda buluna.

Bundan evel, Edem Bekirovnıñ qızı Eleonora Bekirova babasınıñ belli olmağan sebeplerden hastahanege çıqarılğanını haber etti. Bekirov artıq yarım yıldan berli ilhaq etilgen Qırımda apiste buluna.

Menba UATV
tarih 15.05.2019
kategoriyalar KREML MABÜSLERİ
paylaşmaq
UA|TV top haberleri