Edem Bekirov apishanede öle bile, – advokat

Uquq qoruyıcınıñ sözlerine köre, taqiqat tevqifhanesinde siyasiy mabüs içün kerekli şartlarnıñ yaratılması imkânsızdır

uatv
14.12.2018

Foto Facebook Edem Islyamov

İşğal altındaki Qırımda faal Edem Bekirovnıñ apiske alınması aqqında qarar aqibetleri facialı ola bile, siyasiy mabüs atta öle bile. Bu aqta qırımtatar faaliniñ advokatı Aleksey Ladin bildirdi, haber ete Qırım. Aqiqat.

Ladin qayd etti ki, Edem Bekirov yollanılğan Aqmescit taqiqat tevqifhanesinde işğalciler insaniyetsiz, qıynama şartlarını yarattı.

“Bekirov birinci gruppağa köre saqattır. Ayağı tızından aşağı taba kesip alındı, şeker ve daa bir sıra diger hastalıqları bar. O, taqiqat tevqifhanesiniñ şartlarında imkânsız olğan daimiy baqımda muhtac. Bu qararnıñ aqibeti facialı olması mümkün, atta onıñ ölümine ketire bilir dep is etem”, – bildirdi advokat.

Onıñ sözlerine köre, Bekirov çantasında 14 kilo patlayıcı maddelerniñ saqlap tutqanında ve alıp bergeninde qabaatlanıla.

“Mahkeme vaqtında, Bekirov sağlıq alı sebebinden bir buçuq litrlik şişe bile köterip olamağanını bildik. Eger üç kilodan ziyade ağırlıq köterse aqibet ğayet fena olacaq. Amma buna baqmadan “mahkeme”, “tahqiqatnıñ” tevqif aqqında şefaatını delilli olaraq qabul etti”, – dep qoştı Ladin.

Hatırlatamız: Dekabrniñ 12-nde, Edem Bekirov qanunsız sürette ilhaq etilgen Qırımğa kirgen vaqtında Rusiyeniñ mahsus hızmetleri tarafından tutuldı. Qırımğa o, 78 yaşındaki anasını ve aqrabalarını ziyaret etmek içün yol tuta edi.

Kreml nezareti altındaki Aqmescit Kyiv rayonı mahkemesi, qırımtatar faali Emed Bekirovnı еki ayğa tevqif etti.

Menba Qırım. Aqiqat
tarih 14.12.2018
kategoriyalar KREML MABÜSLERİ
paylaşmaq
UA|TV top haberleri