Donbasstaki çatışma devamında 172 bala elâk oldı, – UNICEF

uatv
03.12.2019
Fotо UNICEF

Donbassta tahminen 500 biñ çağına yetmegen bala beden sağlıqları ve ruhiy allarına ciddiy zarar ketire bilgen telükelerge rastkele

Bu aqta UNICEF esabatında yazıla, haber ete Ukrinform.

“Balalar qurşunlar barıp urğan ya da bomba sığınağı olğan mekteplerge qatnamağa, vaqıt-vaqıt ateş açılğan ve mayınlar bar olğan qasabalarda yaşamağa devam etkenlerini tasavur etmege pek qıyın”, – dedi Afşan Han.

Bundan ğayrı, UNICEF malümatına köre, Donbasstaki çatışma devamında 172 bala patlayıcı cihazlardan yaralandı ya da elâk oldı, daa 430 biñ bala – türlü derecede ağır ruhiy travmağa oğradı.

Daa tahminen 2 million bala ve büyükler patlayıcı maddelerden öle ya da yaralana bile.

Evel, Ukraina şarqında Birleşken Quvetler Operatsiyası mıntaqasında tasil müessislerniñ ateşke tutulması artqanı haber etilgen edi.

Oquñız: İşğal etilgen Qırımda ukrain tilindeki mekteplerniñ miqdarı 87 faizge azlaştı.

Джерело Ukrinform
дата 03.12.2019
категорії Donbass
поділитися
Топ новин на UA|TV