Donbassta boyevikler ukrain askerlerine qarşı ateş açtı, elâk olğanlar bar

uatv
18.02.2020
Foto obozrevatel.com

Bugün saba, fevralnıñ 18-nde, Rusiyeniñ işğal orduları Novotoşkovske, Örihiv, Krımske ve Hutor Vilnıy meskün yerleri yanında Birleşken Quvetlerniñ bölüklerine ücüm etti.

Bu aqta UATV Birleşken Quvetler Operatsiyası ştabınıñ matbuat hızmetine atfı etip bildirmekte.

Boyevikler Minsk añlaşmalarında yasaq etilgen silâlarnı qullanğan. Olar 120 milimetr kalibrli mina topularından, iri kalibrli qurşunatqıçlardan ve türlü sistamalarnıñ granadaatqıçlarından ateş açtı.

“Ateş açıp, rus işğalcileri faal ucm etip başladı ve sıñırnen ayırılğan yolaqtan içerei kirmege tırıştı. Al-azırda uruş devam etmekte. Yazıq ki, amma duşmannıñ ateşi neticesinde ukrain askerleri arasında elâk olğanlar bar”, – qayd ettiler ştabda.

Ukrain askerleri, duşmannıñ silâlı areketlerini toqtatmaq içün cevap berdi. İşğalciler taarfından elâk olğanlar barmı, yoqmı daa belli degil.

Джерело UATV
дата 18.02.2020
категорії Donbass
поділитися
Топ новин на UA|TV