Donbassta 13 kere ateş açıldı, bir arbiy elâk oldı

uatv
26.08.2019
Foto UATV

Donbassta avgustnıñ 25-nde Rusiye Federatsiyasınıñ silâlı şekillenmeleri ve onıñ cenkâverleri 13 kere ateş toqtatılması rejimini bozdı. Duşman Birleşken quvetler noqtalarına çeşit sistema granata topularından, büyük kalibrli pulemötlardan ve atıcılıq silâsından ateş açtı.

Bu aqta BQO ştabınıñ matbuat hızmetine esaslanaraq UATV haber ete.

“Shid” bölgesiniñ nezareti altındaki rayonda duşman Mıkolayivka, Vodâne, Mariyinka, Avdiivka, Pavlopol ve Troitske civarlarında 10 kere ateş açtı.

“Pivniç” bölgesiniñ nezaretindeki Şümiv, Pivdenne ve Zolote-4 rayonunda 3 kere atışlar oldı.

Neticede bir arbiy elâk oldı, daa üçü yaralandı.

Yarı geceden başlap atışlar qayd etilmedi.

Menba UATV
tarih 26.08.2019
kategoriyalar Donbass
paylaşmaq
UA|TV top haberleri