Donald Trump impiçmenti: ABD-de birinci açıq diñlevler olıp keçti

uatv
14.11.2019
AP

Amerika Birleşken Devlteleriniñ Kongressinde Donald Trump impiçmenti davası hususında açıq diñlevler başlandı. Birinci Ukrainada Amerika Birleşken Devletleri meseleleri muvaqqat vekâletlisi William Taylor ve Devlet kâtibi yardımcısınıñ muavini George Kent şaatlıq etti.

Bu aqta DW haber ete.

Sessiya tahminen 6 saat devam etti. Birinci İstihbarat komiteti reisi Adam Schiff çıqışta bulundı. O, sabıq vitse-prezident Joseph Biden ve oğlı Hunter Bidenge qarşı tatahqiq Birleşken Devletlerniñ milliy menfaatı olmamağanını aytıp berdi. Donald Trump ise Volodımır Zelenskıy ile laqırda vaqıtnda onıñ keçirilmesini talap etti.

O, Donald Trumpnı “öz siyasiy faydasına” iş körgeninen qabaatladı.

Bundan soñ Devlet kâtibi yardımcısınıñ muavini George Kent, onıñ fikrince Trumpnıñ advokatı Rudolph Giuliani ve diger resmiy şahıslar
Ukrainadaki Amerika Birleşken Devletleriniñ sabıq elçisi Marie Yovanovitch adını bozğan “yalan kampaniyasına” alâqalı dep bildirdi.

Biraz soñra William Taylor, ABD prezidentini Bidenge qarşı dava Ukraina ile müneasebetlerden ziyade maraqlandırğanını ayttı. Bunıñ ile o, Ukrainağa arbiy yardımnıñ berilmesini, 2020 senesi prezident saylavlarında Donald Trumpnıñ esas raqibi olcaq Joseph Bidenge dair tahqiqnnen bağlamağa “mantıqsız” ve “deli” dep saya.

Özü Donald Trump oña qarşı diñlevlerni “Amerika siyasiyetiniñ tarhında eñ büyük dolandırıcılıq” dep adlandırdı. Biraz soñra, diñlealer aqqında “esabatnen” tanış olacağını bildirdi. Esnasnıñ ketişatını ABD prezidenti baqmadı.

MALÜMATNAME: Donald Trumpnı vazifesinden uzaqlaştıra bilecek qavğa daa iyül ayında ukrain zenaatdaşı Volodımır Zelenskıynen olıp keçken telefon subetinden başlandı. Sentâbr ayında Beyaz ev qonuşmanıñ yazıp alınğan metinini yayınladı. Anda Donald Trump Zelenskıyge, keledejk sene prezident saylavrınadn esas raqibi olacaq Joseph Bidennıñ oğlına qarşı tahqiq başlamağa rica etti. Evel Hunter Biden “Bürisma” ukrain gaz qazıp çıqarğan şirketniñ müdirler şurası erkânında edi. O bergi ayın-oyunlar yaptı ve resurslar hırsızladı dep vesveselenildi. 2017 senesi Baş prokuratıra isbatlar olmağanı içün davanı qapattı. Telefon subetniñ audio yazısı metinge çevirilgen soñ, Demokratlar birden Donald Trumpnıñ impiçment protsedurasını başladı. O, vazifesinden tış çıquvnen ve öz mfaydasına iş körmesinen qabaatlanıldı.

Menba UATV
tarih 14.11.2019
kategoriyalar Dünya
paylaşmaq
UA|TV top haberleri