Diplomatiyamız keyfiyet ceetten yañı seviyede olmaq kerek, – prezident

uatv
11.09.2019
Video skrinı

Sentâbrniñ 11-nde, çarşenbe künü, Ukraina prezidenti Volodımır Zelenskıy Tışqı işler nazirliginiñ kollektivine resmiy tarzda idareniñ yañı başı Vadım Prıstaykonı taqdim etti.

“Bugunde, esas cenklerimizden biri – diplomatik cenk. Er künü işiñizni yapıp, böylece ukrain sıñırlarını qorçalağanıñız içün sizge minnetdarlıq bildirmege isteyim. İşiñizni ürmet etem ve ihtisaslı olğanıñızğa eminim”, – TİN hadimleriye muracaat etip, dedi devlet başı.

Prezident, Vadım Prıstaykonı yıllardır bilgenini ve soñki dör ay içinde beraberlikte yapılğan işten memnün olğanını qayd etti.

“Bazı vaqıt, qıyın qararlar, qıyın laflar bar. Çoq zor telefonnen laflar oldı, bir saniye içinde qrarlar almaq kerek edi. Vadım bunı nasıl yapqanını kördim. O kerçekten pek yardım etti. Men oña minnetderım”, – dedi Zelenskıy.

Vadım Prıstayko ise, “ukrain diplomatik ordusı” ögretilgen, intizam, büyük tecribeli ve bu tecribesini aftada 7 kün, künde 24 saat devamında onı qullanmağa azır olğanını qayd etti.

“Bizim idaremizge olğan diqqatıñız ve ürmetiñiz içün sağ oluñız”, – dedi TİN başı.

Menba UATV
tarih 11.09.2019
kategoriyalar SİYASET
paylaşmaq
UA|TV top haberleri