Devlet fiksal hızmetiniñ yolbaşçısı istifa etti

uatv
14.07.2019
Foto Facebook Oleksandr Vlasov

Ukraina devlet fiksal hızmeti başlığınıñ vazifesini becergen Öleksandr Vlasov istifa aqqında ariza yazdı.

Arizanı o, özüniñ Facebook saifesinde yerleştirdi.

Bazarertesi künü, iyülniñ 15-nde o, bu arizanı Nazirler Kabinetine yollaycaq, dep aytıla bildirmesinde.

Bundan evel prezident Volodımır Zelenskıy, Ukraina deñiz limanları inkişafı meselelerinden toplaşuv vaqtında Öleksandr Vlasovnı işten çıqmağa çağırdı.

Özüniñ talabını devlet başlığı Vlasovnıñ Volınska, Zakarpattâ, Lviv ve Çervnivtsi vilâyetlerinde sıñır başlıqlarını işten çıqarmağanınen añlattı.

Menba UATV
tarih 14.07.2019
kategoriyalar SİYASET
paylaşmaq
UA|TV top haberleri