Daa qabul etilmegen eki qanunsız “Ştaynmayyer formulasınıñ” iç emiyeti yoq, – Prıstayko

uatv
07.10.2019
Foto PO

Ukraina Tışqı işler naziri Vadım Prıstayko, Yuqarı Rada daa qabul etmegen eki qanunsız “Ştaynmayyer formulasınıñ” iç emiyeti yoq, dep bildirdi.

Bu aqta, Letoniya zenaatdaşı Edgars Rinkeviçsnen beraberlikte bergen matbuat konferentsiyası vaqtında bildirdi.

“Ştaynmayyer formulası”, saylavlar keçirilüvi ve mahsus status aqqında qanunlar olmağance iç bir emitsizdir. Eñ müimi ise – bu qanunlar nasıl olacağı. Özü formular, bu qanunlar nasıl etip qullanılacağını añlata”, – dedi nazir.

Onıñ aytqanına köre, bu qanunlar daa mebuslar tarafından tasdıq etilmeli. Tek bundan soñ, “Ştaynmayyer formulası” eki taraf içün ne qadarlıq kelişinlgen olğanı belli olacaq.

“Millet vekillerimizde uzlaşuv içün nasıl qırmızı sızıqlar ve fırsatlar olğanı belli olmağance, netice nasıl olacağı aqqında qıyın aytmağa. V,S ve D planlarmız barmı kibi sualge kelgende, elbet de bar, amma “Normand dörtlügi” liderleri muzakere etecek imkân bar olğanda, olar aqqında aytmacaqmız”, – dep qoştı Prıstayko.

Evel, Vadım Prıstayko Pеtrovske ve Zolote-4 qasabalarında quvetlerniñ keri çekilmesi ateşke tutmalar içün başqa vaqıtqa qaldırılğanını bildirdi.

Menba UATV
tarih 07.10.2019
kategoriyalar UKRAİNA
paylaşmaq
UA|TV top haberleri