“Çornıy kozak” ukrain film masalı oynatıluvğa çıqtı

Toplanılğan para ATO/BQT iştirakçileriniñ reabilitatsiyasına berilecek

uatv
29.10.2018
Videodan skrin

Ukrain seyircilerine, çekilüvi 10 yıl devam etken “Çornıy kozak” tarihiy fentezi janrındaki film taqdim etildi.

Bu aqta filmniñ Facebook saifesinde denile.

Filmniñ temelinde, Оleksandr Lirnık müellifniñ “O vdove Anne Şulâçke, Çernom Kazake i straşnom zaklâtii” masalı. Vaqialar qazaqlıq devrinde olıp keçe.

Filmde oynağanlardan çoqusı iqtisasiy aktörlar degil. Çekilüvlerniñ bir qısmı Çerkska vilâyetiniñ Legedzino köyünde, “Trıpilska kultura” tarihiy-medeniy qoruğı yerleşken yerde yapıldı. Film rejissörı – tarihçi Vladıslav Çabanük (VVS “Koronatsiya slova” mukâfatınıñ saibi). Film muzıksını “DahaBraha” ve “Pikkardiyskaya Tertsiya” taqımları icra etti.

Filmniñ kösterilüvinde toplanılğan para, Ukraina şarqındaki arbiy areketlerde yaralanılğan askerlerniñ reabilitatsiyasına berilecek.

Menba UATV
tarih 29.10.2018
kategoriyalar MEDENİYET
paylaşmaq
UA|TV top haberleri