Çernogoriyada Qırım işğaliniñ yıllığı munasebeti ile tedbirler ötkerildi (FOTO)

uatv
11.03.2019
Foto TİN

Çеrnogoriyadaki Ukrainа Elçiliginiñ hadimleri yarımada işğaliniñ 5-nci yıllığına bağışlanğan “Qırım aqşamı” adlı tedbir keçirdiler.

Bu aqta Ukraina Tışqı işler nazirliginiñ saytında yazıla.

Tedbirde iştirak etken ukrain faalleri ukrain siyasiy mabüslerge qoltutmaq içün aktsiya ötkerdi.

Tedbir çerçivesinde “Haytarma” ve “Kiborgi” ukrain filmleri kösterildi. Söz sırası, “Kiborgi” filmi Çernogoriya seyircileri, Podgoroditsa şeeir sakinleri içün ilk sefer kösterildi.

“Qırım aqşamı” tedbiriniñ mahsus davet etilgen musafirleri film rejissörı Ahtem Seytablayev ve prodüser İvanna Dâdüra oldı.

Bunıñ ile teşkilâtçılar “Qırm işğal şatlarında” adlı mevzuiy foto sergini taqdim ettiler. Bu yerde rus işğalcileri tarafından yarımada işğaliniñ birinci künlerini köstergen 27 fotoresim taqdim etilgen.

Menba UATV
tarih 11.03.2019
kategoriyalar UKRAİNA DÜNYADA
paylaşmaq
UA|TV top haberleri