Cannes kino festivalinde “Evge” ukrain filmi taqdim etildi

uatv
23.05.2019
Foto Ukrinform-UATV

Bu sene 72-nci Cannes kino festivalinde Ukraina eki filmni taqdim etti: “Evge” ve “Anna”. Mayısnıñ 22-nde qırımtatar rejissörı Nariman Aliyevniñ “Evge” filmi kösterildi.

Bu aqta Devlet kinosı matbuat hızmeti haber ete.

Film kösterilüvinden evel “Debüssi” zalınıñ sanasına kino festivalniñ müdiri Tyerri Fremo, rejissör Nariman Aliyev, prodüser Vladimir Yatsenko ve baş qaramanları rollerini oynağan Ahtem Seitablayev ve Remzi Bilâlov çıqtı.


Foto Facebook EVGE

“Menim filmim Cannes kino festivalinde kösterilecegini tasavur bile etalmadı, ve mında Debüssi zalında menim tuvğan qırımtatar tilim yañğıraycağına quvanam. Bugünde Qırımda yüz bergen adiselerden ağrı is etem, Oleg Sentsov ve episi mabüs qırımtatar ve ukrainler aqqında susamayım, olar öz milletini saqlap qalmaq içün küreşe. Er keske destek içün minnetdarım”,- dep seyircilerge muracaat etti Nariman Aliyev.

Film qırımtatar Mustafa aqqında ikâye ete. Onıñ eki oğlu, Qırımnıñ işğalinden soñ kyivge köçip ketti. İkâye, onıñ üyken oğlı Nazimnıñ ölüminden başlana. Baba ise kiçik oğlı Alimni evge qaytarmağa, üyken oğlını isn qırımda musulman adetlerine köre defin etmege tırışa.

“Bu, esasen qırımtatar tilinde çıqarılğan birinci film ve Devlet kinosı mında Cannes kino festivalinde onı taqdim etmek içün mümkün olğan er şeyni yaptı”, – dedi Devlet kinosı reisi Filipp İlyenko.

Menba UATV
tarih 23.05.2019
kategoriyalar MEDENİYET
paylaşmaq
UA|TV top haberleri