Canada temsilcileri Ukraina halqara ava yolları uçaq qazasınıñ tahqiqatına qoşuldı

uatv
16.01.2020
Foto AP

Canada temsilcileri İranda Ukraina halqara ava yolları uçaq qazasınıñ yerini ziyaret etti.

Bu aqta Amerika sesi haber ete.

Canada ekspertleri tezden uçaq parçalarını tetqiq etip başlaycaq.

Canda Naqliyat naziri Mark Garno, İran Canada temsilcilerine “qara qutalarnı” baqmağa izin bermemegenine şikât etti.

İran bir Canada memurlar taqımına vizalar berdi, şu cümleden Naqliyat telükesizligi şurasınıñ eki mütehassısına.

“İran, bizge em “qara qutularnıñ” tetqiq etilmesinde, em de talilde iştirak etmege izin berilecek, dep ayttı. Şimdi bekleymiz ne yerde bu olacaq. Böyle bir haber şimdilik daa yoqtır”, – dedi nazir.

Ukraina halqara ava yolları uçaq şirketiniñ Boeing 737 uçağı yanvarnıñ 8-nde Tegeranda İamam Homeyn ava limanından uçqanından çoq keçmeden qazağa oğradı. Uçaqta 167 adam ve 9 ekipaj azası edi. 

Evel, Tegeran civarında tüşken “Ukraina halqara ava yollarınıñ” uçağı İran arbiyleri tarafından “istemeyip tüşürildi”, dep haber etilgen edi. Bu aqta İran akimiyetiniñ beyanatında aytıla, onı BBC ve Associated Press bildire.

Resmiy Tegeran malümatına köre, uçaq İslâm inqilâbı qaravul korpusınıñ müim obyektlerinden biri tarafına aylanğanda “duşman nişanı” olaraq köründi. Arbiyler, ABD ile kerginleşken munasebetler sebebinden “eñ yüksek seviyede azır edi”, bu “insan hatasına” yol açtı.

Джерело Amerika Sesi
дата 16.01.2020
категорії CEMİYET
поділитися
Топ новин на UA|TV