Büyük Britaniya Rusiyeden işğal etilgen Qırımğa halqara közeticilerniñ kirsetilmesini talap etti

uatv
10.07.2019
Foto Ukrinform-UATV

Büyük Britaniya Rusiye Federatsiyasına, episi siyasiy mabüslerniñ azat etilmesini ve işğal etilgen Qırımğa halqara közeticilerniñ yibermesini talap etip, hitap etti.

Bu aqta Birleşken Milletler Teşkilâtı yanındaki Büyük Britaniya daimiy temsilciliginiñ beyanatında yazıla, dep haber ete Ukrinform Britaniya ükümetiniñ saytına atfı etip.

“Rusiyeni BMT Baş assambleyasınıñ 73/263 qararına riayet etmemegeni içün onı takbih etemiz, işğal etilgen Qırımğa halqara közeticilerniñ kirsetilmesini ve episi siyasiy mabüslerniñ azat etilmesini talap etemiz”, – yazıla beyanatta.

Bunıñ ile Büyük Britaniya, 2019 senesi mart yayında işğal etilgen Aqmescitte qırımtatarlarnıñ evlerinde olıp keçken tintüvler ve tevqiflerni takbih ete.

Ayrıca, Britaniya ükümeti, 70 ukrain siyasiy mabüsniñ sağlıq alınen raatsızlığını bildirdi.

Menba Ukrinform
tarih 10.07.2019
kategoriyalar QIRIM
paylaşmaq
UA|TV top haberleri