Büyük Britaniya polisi Rusiye prezidentiniñ Skripallerniñ zeerlemesinde tutqan yerini ögrene

uatv
07.08.2019
Foto Ukrinform-UATV

Büyük Britaniya polisi Rusiye prezidenti Vladimir Putinniñ Solsberide Skripaller ailesiniñ zeerlemesinde tutqan yerini ögrene.

Bu aqta UATV The Guardian gazetasına atfı etip bildire.

Büyük Britaniya istihbaratı, keçken sene Solsberide, sabıq Rusiye istihbaratçısı Sergey Skripal ve qızı Yuliyanı zeerlemek içün Putin şahsen emir bergdip, dep saya.

Büyük Britaniya polisiniñ kontrterrorcı idaresiniñ reisi Nil Basu, tahqiqat daa devam etkenini bildirdi.

“O (Putir – muar.), doğrudan-doğru iştirak etkenini isbatlamaq kerek”, – dedi o.

Onıñ aytqanına köre, icüm içün qabaatlavlarnı ketirmeknen bağlı meseleler qıyın edi.

Skripaller ailesi keçken sene Solsberide, Rusiyede yapılğan “Noviçok” çeşitiniñ sıñırlı-paraliç maddesinen zeerlendi. Büyük Britaniya prokuraturası Skripallerniñ zeerlemesinde şübeli olğan eki rusiyeliniñ adlarını bildire. İdareninñ malümatına köre bular Rusiye Federatsiyasınıñ vatandaşları – Aleksandr Petrov ve Ruslan Böşirov. The Insaider ve Bellingcat neşirlerniñ tahqiqatına köre olarnıñ aqiqiy adları – Aleksandr Mişkin ve Anatoliy Çepiga.

Menba UATV
tarih 07.08.2019
kategoriyalar Dünya
paylaşmaq
UA|TV top haberleri