Büyük Britaniya parlamenti vaqtından evel saylavlarğa qarşı rey berdi

uatv
05.09.2019
Foto AР

Büyük Britaniya cemiyetler palatası, oktâbrniñ 15-nde (yani memleketniñ Avropa Birliginden çıqmasına 2 afta qalğanda) vaqtından evel umumiy saylavlar keçirilmesine qoltutmadı.

Bu aqta “Avropa aqiqatı” ВВС-ge atfı etip bildire.

Saylavlar keçirilmesini baş nazir Boris Johnson, mebuslar “qattı” Brexitke yol bermegen qanun leyhasını qabul etken soñ teklif etti.

Saylavlarnıñ keçirilüvine 298 mebus qoltuttı. Qarar qabul etilmesi içün ise eñ az 434 rey olmalı.

Boris Johnson, sentâbrniñ 6-nda, vaqtından evel parlament saylavları keçirilmesi aqqında teklifni kene rey berüv içün çıqaracağını bildirdi. Sentâbrniñ 9-nda ise, Britaniya ükümetiniñ başı parlament işini oktâbrniñ 14-na qadar toqtatacaq ola.

Evel, Büyük Britaniya Rusiyeni işğal etilgen Qırımğa halqara közeticlerni kirsetmege davet etti.

Menba Avropa aqiqatı
tarih 05.09.2019
kategoriyalar Dünya
paylaşmaq
UA|TV top haberleri