Büyük Britaniya parlamenti, saylavlar aqqındaki Johnsonnıñ teklifini ekinci kere red etti

uatv
10.09.2019
Foto Ukrinform-UATV

Büyük Britaniya cemiyetler palatası, oktâbrniñ 15-nde (yani memleketniñ Avropa Birliginden çıqmasına 2 afta qalğanda) vaqtından evel umumiy saylavlar keçirilmesi aqqında baş nazir Boris Johnsonnıñ teklifini red etti.

Bu aqta UATV Avropa aqiqatına atfı etip bildire.

Saylavlar keçirilmesini baş nazir Boris Johnson, mebuslar “qattı” Brexitke yol bermegen qanun leyhasını qabul etken soñ teklif etti.

Saylavlarnıñ keçirilüvine 293 mebus qoltuttı. Qarar qabul etilmesi içün ise eñ az 434 rey olmalı.

Muhalif mebuslar, saylavlarğa qoltutmaycaqlarını tasdıqladılar. Olar, başta Brexitni añlaşma olmadan kestirgen qanun amelge keçirilmek kerek olğanında israr eteler.

Evel, Büyük Britaniya parlamenti oktâbrniñ 14-ne qaadr işini toqtatacaq, dep haber etildi.

Hatırlatamız: Büyük Britaniya qırıliçesi Yelizaveta II, baş nazir Boris Johnsonnıñ vaqtınca parlament işniñ toqtatılması aqqında teklifini taqdirledi. Johnson bu kibi adımnı, mebuslar Büyük Britaniyanıñ Avropa Birligi terkibinden añlaşma olmadan çıqmasını kestirip olamasınlar, dep yaptı.

Menba Avropa aqiqatı
tarih 10.09.2019
kategoriyalar Dünya
paylaşmaq
UA|TV top haberleri