Büyük Britaniya Kremlden tevqif etilgen qırımtatarlarnıñ azat etilmesini talap ete

uatv
29.03.2019
Foto Qırım birdemligi

Büyük Britaniya, Rusiye Federal telükesizlik hızmetiniñ işğal etilgen Qırımdaki qanusız tintüvler ve qırımtatarlarnıñ tevqif etilüvinden raatsızlıq duya. Bu aqta Ukrainadaki Büyük Britaniya Elçiliginiñ Twitter saifesinde yazıla.

“Qanunsız titüvler ve qırımtatarlarnıñ yaqalanuvlarını körmek pek endişeli. Rusiyeden, Qırımnıñ qanunsız işğaline qarşı çıqqanlarnıñ taqip etilüvini ve aqları bozuluvını toqtatmağa ve yaqalanılğan qırımtatarlarnıñ azat etilüvini talap etemiz”, – yazıla malümatta.

Martnıñ 27-nde işğal etilgen Qırımda kütleviy tintüvler keçirildi. Neticede 20 kişi yaqalanıldı, ve daa 3 faal martnıñ 28-nde Rosto-na-Donu şeerinde. İşğal mahkemesi episi 23 kişini mayısnıñ 15-ne qadar tevqif etmege qarar aldı.

Menba UATV
tarih 29.03.2019
kategoriyalar QIRIM
paylaşmaq
UA|TV top haberleri