Büyük Britaniya da, Rusiye Federatsiyası delegatsiyasınıñ Avropa Şurası Parlament Assamlâsına qaytarılmasına qarşı narazılıq bildirdi, – Aryev

uatv
08.07.2019
Foto Ukrinform-UATV

7 memleket delagatsiyası, Avropa Şurası Parlament Assambleyasında Rusiyeniñ salâhiyetleri tasdıqlanılğan soñ demarş ilân etti. Keçenlerde Büyük Britaniya delegatsiyası da bu memleketlerge qoltutıp, narazılıq bildirdi.

Bu aqta Facebookta Avropa Şurası Parlament Assamlâsında Ukraina delegatsiyasınıñ başı Volodımır Aryev yazdı.

“Sıralarımız arttı. Avropa Şurası Parlament Assamlâsında 7 memleket ilân etken demarşqa İsveçiya temsilcilerinden ğayrı Büyük Britaniya delegatsiyasınıñ başı da qoşuldı. İşimizni devam etemiz”, – dep yazdı o.

Evel, Avropa Şurası Parlament Assamlâsında Büyük Britaniya delegatsiyasınıñ başı Rocer Geyl Rüsiye Federatsiyası delegatsiyasınıñ keriqaytarılmasını takbih etti, dep haber etildi.

Hatırlatamız: 7 memleket delagatsiyası, Avropa Şurası Parlament Assambleyasında Rusiyeniñ salâhiyetleri tasdıqlanılğan soñ demarş ilân etti. Poloniya Tışqı işler nazirligi, Rusiye delegatsiyasınıñ qaytarılması Moskvanıñ tecavuzını toqtatmaz, dep bildirdi.

Menba UATV
tarih 08.07.2019
kategoriyalar SİYASET
paylaşmaq
UA|TV top haberleri