Bugün Ukrainada Silâlı Quvetler künü

Petro Poroşenko ve Volodımır Groysman Ukraina askerlerini bayram munasebetinen hayırladılar

uatv
06.12.2018

Foto president.gov.ua saytından

Dekabrniñ 6-nda Ukrainada Silâlı Quvetler künü qutlanıla. Ukraina devletiniñ başı ukrain askerlerini zenaat bayramı munasebetinen tebrikledi.

“Ukrainağa sadıqlıqnen hızmet etken, Rusiye tecavuzcısına qarşılıq köstergen er bir asker ögünde baş egem. Bizim askerlerimiz devletimizniñ er bir vatandaşı, bütün Ukraina halqınıñ ğururıdır”, – dep yazdı Petro Poroşenko Facebook saifesinde.

Öz video hayırlavını içtimaiy ağda baş nazir Volodımır Groysman da yerleştirdi.

“Bizim mustaqilligimizni cesaretnen imaye etkeniñiz içün sağ oluñız!”,- dep yazdı baş nazir.

Bundan ğayrı, bugün, dekabrniñ 6-nda Ukraina Silâlı Quvetleri Baş komandanı Petro Poroşenko, ükümet azaları, Yuqarı Rada, Mudafaa nazirligi ve Baş ştabnıñ reberligi elâk olğan akskerlerniñ şerefine mudafaa müessisesiniñ meydanındaki Hatıra zalında keçirilgen qutlama merasiminde iştirak ettiler.

Merasim iştirakçileri, Vatan oğrunda küreşip öz canlarını bergen qaramanlarnıñ hatırasını añdılar.

Menba UATV
tarih 06.12.2018
kategoriyalar UKRAİNA
paylaşmaq
UA|TV top haberleri