Bugün Ukrainada Silâlı Quvetler künü

uatv
06.12.2019
Foto Ukrinform-UATV

Dekabrniñ 6-nda Ukrainada Silâlı Quvetler künü qutlanıla. Ukraina devletiniñ başı Volodımır Zelenskıy ukrain askerlerini zenaat bayramı munasebetinen tebrikledi. O, barışıq qazanılğan soñ bile “qudretli ukrain ordusı eñ müim zenginlik olaraq” qalacağını bildirdi.

“Çünki bu – azatlığımız, mustaqilligimiz ve inkişaf etken Ukrainamıznıñ kefaletidir”, – dedi prezident.

Onıñ aytqanına köre, bütün devlet institutlarından eñ çoq ukrainler orduğa inana.

“Siz bizge kereksiñiz. Ve bunı is etmeñiz içün devlet elinden kelgenini yapacaq”, – ayttı Zelenskıy.

Volodımır Zelenskıy askerlerge eñ esasını tiledi: “Sağ qalıp qaytıñız!”

Ukraina Silâlı quvetleri künü – Ukraina Silâlı quvetlerine bağışlanğan bayram künüdir. 1993 senesi Yuqarı Radanıñ qararınen belgilendi, raatlıq künü degil.

Er yıl dekabrniñ 6-nda keçirile – 1991 senesi “Silâlı quvetler aqqında” Ukraina qanunı qabul etilgen edi.

Menba UATV
tarih 06.12.2019
kategoriyalar UKRAİNA
paylaşmaq
UA|TV top haberleri