Bugün Strasburgda PAСE qış sessiyası başlana

uatv
27.01.2020
Foto Facebook İrina Geraşçenko

Bugün, yanvarnıñ 27-nde, Strasburgda Avropa Şurası Parlament Assambleyasınıñ qış sessiyası başlana.

Bu aqta Ukrinform haber etti.

İlk sefer tedbirde Avropa Şurası Parlament Assambleyasında yañı daimiy Ukraina delegatsiyası iştirak etecek. 2019 senesi parlament saylavlarından soñ bu delegatsiya Rusiyeniñ Assambleyağa qataralmasına narazılıq bildirip, bundan evelki küz sessiyasında iştirak etmegen edi.

Kün tertibine köre, bugün Avropa Şurası Parlament Assambleyasınıñ yañı prezidenti saylanılacaq.

Sessiya vaqtında PAСE azaları tarafından nizamname mecburiyetleriniñ bozulması aqqında munaqaşalar olmaq kerek. Assambleyada Poloniyada demokratik institutlarnıñ işlemesi ve Azerbaycanda siyasiy mabüsler aqqında bildirüv muzakere etilecek ola. Bundan ğayrı Assambleya Belaruste saylav sistemasınıñ strandartları aqqında maruzanı qabul etecegi de beklenile.

Hatırlatamız: Evel Ukraina Yuqarı Radası ukrain delegatsiyasınıñ Avropa Şurası Parlament Assambleyasına qaytmasına qoltuttı.

Джерело UATV
дата 27.01.2020
категорії SİYASET
поділитися
Топ новин на UA|TV