Bugün Strasbourgda PACE baar sessiyası açıla

uatv
08.04.2019
Foto UATV

Aprelniñ 8-nde Avropa Şurası Parlament Assambleyasınıñ baar sessiyası başlana. Kün tertibinde nevbetteki meseleler: Rusiye azalıq ücretini ödememegeni içün Avropa Şurasında bücet buhranı ve teşkilâtlı cinayetlikke qarşı küreş.

Bu aqta Ukrinform haber ete.

Aprelniñ 12-ne qаdar devam etecek oturışlarda Avropa şurası insan aqları komissarı Dunja Mijatovis yıllıq esabatını taqdim etecek.

Bunıñ ile Gürcistan ve Eremenistan bаş nazirleri Mamuka Bahtadze ve Nikola Paşinân çıqışta bulunacaqlar.

PACE sessiyası Rusiye temsilcileri olmadan keçecek. Birza soñra, mayıs ayında, Avropa Şurası Nazirler komiteti, Rusiye azalıq ücretini ödememegeni içün teşkilâtta temsiliy aqlarından marum etilüvi aqqında meseleni baqacaq.

Bu vaqıt Rusiye ise Avropa Şurası Parlament Assambleyasında öz rey berüv aqqını qaytaracaq ola. Rusiye tarafdarı olğan eki felemenk vekiliniñ teklifi ile PACE bürosı acele munaqaşalr ötkerilmesini tasdıqladı. Aprelniñ 10-nda, oturış vaqtında Avropa parlamenti mebüslerine assambeleya iş tertibini deñiştirmege teklif etilecek. Şu cümleden, milliy vekillerge sanktsiyalar qoyuv aqqınıñ lâğu etilüvi. Bunıñ yardımı ile Rusiye öz rey berüv aqqını keri alacaq. Ukraina vekilleri bu meseleniñ baqıluvına qarşıdır. Reisi Volodımır Aryev maruza leyhasınıñ metini evelden azır olğanından taaciplendi. Mebüs ayttı ki: bu Assambleyada emalsiz olğan şey.

Menba Ukrinform
tarih 08.04.2019
kategoriyalar Dünya
paylaşmaq
UA|TV top haberleri