Bugün qırımtatar halqı genotsidiniñ qurbanlarını añalar

uatv
18.05.2019
Foto Ukrinform-UATV

Bugün Ukraina ve dünyada 1944 senesinde qırımtatar halqınıñ Qırımdan sürgün etilmesi qurbanlarını aña.

75 yıl evelsi, 1944 senesi mayısnıñ 18-nde yarımadadan Merkeziy Asiyağa qırımtatarlarnıñ birinci eşelonı yollanğan. Epsi olıp 200 biñden ziyade insan sürgün etilgen. Olardan 90% – qadınlar ve balalar.

Sürgünlikten soñ tahminen bir yıl içinde sürgün etilgenlerniñ aman-aman 46% elâk oldı.

1946 senesi iyunniñ 25-nde Qırım muhtariyeti lâğu etiile ve yarımada Sovet birliginiñ bir viletine çevirile. Kelecek eki yıl devamında Qırım köyleri ve şeerleriniñ tahminen 80% yañı adlar qoyula.

Qırımtatarlar tarihiy vatanına tek 1980-cı yıllarnıñ soñunda qaytıp ola.

Qırımnıñ qanunsız işğalinden soñ Qırım tamır halqı yañı repressiyalarğa oğray.

2015 senesi noyabrniñ 12-nde Ukraina Yuqarı Radası 1944 senesiniñ sürgünligini genotsid dep tanıdı ve mayısnıñ 18 kününi Qırımtatar halqı genotsidiniñ Hatıra Künü dep ilân etti.

Ukrainanıñ ameldeki Prezidenti Petro Poroşenko Facebookta taziye bildirip, “qırımtatarlarnıñ ağrısı – epimizniñ ağrımızdır” dedi.

“Şaatlar öle, amma bu genotsid aqqında hatıra qırımtatarlarnıñ ve bütün ukrain halqınıñ hatırasında asırlarca yaşaycak”, – dep, yazdı o.

Prezident emin – ukrainler sovet rejiminiñ cinayetini iç bir vaqıt unutmaycaq.

“Zemaneviy cinayetçiler de Qırım yarımadasınıñ ilhaqı içün, qırımlılarğa içkence ve qılınuvları içün cezalanacaq. Eminim ki, qırımtatarlarnıñ öz toprağında serbest yaşamaq aqqı mıtlaq tiklenecek. Boysunmağan qırımtatar halqına şan-şerefler!”, – dedi Poroşenko.


Menba UATV
tarih 18.05.2019
kategoriyalar CEMİYET
paylaşmaq
UA|TV top haberleri