Bugün Pariste “Normandiya dördü” sammiti olıp keçecek

uatv
09.12.2019
Foto Ukrinform-UATV

Bugün, dekabrniñ 9-nda, “Normadiya dördü” liderleri – Ukraina prezidenti Volodımır Zelenskıy, Frenkistan prezidenti Emmanuel Macron, Almaniya kantsleri Angela Merkel ve Rusiye devlet başı Vladimir Pütin Pariste körüşecekler.

Bu aqta UATV haber ete.

Aytışmalar Yelisey sarayında keçecek. Sammit saat 17:00 başlaycaq, iştirakçilerniñ beraberlikte konferentsiyası – saat 19:00.

Prezident ofisinde jurnalistlerge berilgen cdvelge köre, prezident Volodımır Zelenskıy Yelisey sarayına saat 15:55 kelecek (Kyiv vaqıtnen). Anda Emmanuel Macron ve Angela Merkelnen aytışacaq.

Cedvelde Vladimir Pütin ile eki taraflı körüşüv aqqında bir şey yazılmağan, amma ukrain televizion kanallarından birisiniñ yayınında Ukraina prezidenti Rusiye devlet başınen şahsen körüşecegi aqqında bildirdi.

Taraflar Donbassta vaziyetniñ tınç çezilmesi yollarını, Rusiyede qanunsız surette tutulğan bütün ukrain mabüsleriniñ qaytuvını ve Donetsk ve Lugansk vilâyetleriniñ ayrı bölgelerinde saylavlara keçirilüvini muzakere etecekler.

Qayd etmelimiz ki, soñki “Normandiya dördü” sammiti 2016 senesi oktâbrniñ 19-nda Berlinde olıp keçti.

Джерело UATV
дата 09.12.2019
категорії UKRAİNA
поділитися
Топ новин на UA|TV