Bugün MH17 uçağı faciasınıñ beşinci yıllığı
Bugün “Malayziya ava yolları” şirketiniñ MH17 reysi uçağınıñ Donbassta tüşürilip, qaza olmasınıñ yıllığı. Uçaq Amsterdamdan Kuala-Lumpurğa keteyatır edi. Facia beş yıl evelsi, 2014 senesi iyülniñ 17-nde oldı.
Facia neticesinde uçaqta olğan 298 insan, olar arasında em yolcular, em de uçaqnıñ ekipajı elâk oldı.
Uçaq Donetsk vilâyetiniñ Grabove köyü yanında, Rusiyeniñ “Buk” zenit-raketa kompleksinden urıp tüşürildi.
Elâk olğanlarnıñ çoqusı – 193 insan – Felemenk vatandaşları edi. Memlekette hatıra tedbirleri daa tünevin, iyülniñ 16-nda, başlandı. Bundan ğayrı, salı künü Felenmekte MH17 qazasına bağışlanğan konferentsiya, Vaşingtonda ise tögerek masa ötkerildi.
Hatırlatamız, Rusiye MH17 uçağınıñ tüşürilmesi içün mesülietni özüne almaqtan red ete.
| Menba | UATV |
| tarih | 17.07.2019 |
| kategoriyalar | Dünya |
| paylaşmaq |