Bugün işğal etilgen Qırım yanında “Çonğar” kiriş-çıqış yoqlav keçitinde Yuqarı Rada komitetiniñ oturışı keçirilecek
Bugün, fevralnıñ 12-nde, işğal etilgen Qırım ile memuriy sıñırda “Çonğar” kiriş-çıqış yoqlav keçitinde Yuqarı Radanıñ insan aqları, deokkupatsiya ve vaqtınca işğal etilgen topraqlarnıñ reintegratsiyası meseleleri komitetiniñ köçme oturışı keçirilecek.
Bu aqta öz Facebook saifesinde Qırımtatar Milliy Meclis reisi Refat Çubarov yazdı.
“Şimdi Çonğarğa yol tutamız, anda kiriş-çıqış yoqlav keçitinde Ukraina Yuqarı Radasınıñ insan aqları, deokkupatsiya ve vaqtınca işğal etilgen topraqlarnıñ reintegratsiyası meseleleri komitetiniñ köçme oturışı keçirilecek”, – yazdı o.
Şunı da qayd etti ki, keçenlerde fevralnıñ 11-nde Hersonda, Çaplınka ve Qalançaqta aq-uquq qoruyıcı teşkilâtları ve cemaat temsilcilerinen körüşken.
Oturışta Ukraina Yuqarı Radası insan aqları vekâletlisi Lüdmila Denisova, Qırım Muhtar Cumhuriyetindeki Ukraina preidentiniñ daimiy temsilcisi Anton Körineviç ve Herson vilâyetiniñ devlet memuriyeti reisi Yuriy Güsev iştirak etecekler.
| Джерело | UATV |
| дата | 12.02.2020 |
| категорії | QIRIM |
| поділитися |