Bugün Edem Bekirovğa yañı tibbiy ekspertiza keçirilecek

uatv
21.08.2019
Foto atr.ua saytından

Silâ saqlamasında qabaatlanğan Kreml mabüsi Edem Bekirovğa yañı ekspertiza tayinlendi. Bu ekspertiza onıñ sağlıq vaziyeti boyunca SİZO-da buluna bilecegini belgilemek kerek.

Bu aqta “Qırım. Aqiqat” haber etmekte.

Mabüsniñ adliyecisi Aleksey Ladin haber etkenine köre, bugün faalni hastahanege yollaycaqlar.

“Komissiyanıñ neticeleri ne qadar adaleti olacağını vaqıt kösterir. İş materiallarında ve meraqlanğan episi şahıslarda mustaqil tibbiy akt bar. Bu aktlar eki ilim doktorınen yapıldı ve olar Edem Bekirovğa apiste bulunmağa çaresi olmağanını tasdıqlay”, – dedi adliyeci.

Hatırlatamız, avgustnıñ 8-inde Kreml nezaretindeki Qırım Yuqarı mahkemesi, qırımtatar faali Edem Bekirovnıñ apis müddetini 2019 senesi oktâbr 11-inece uzattı.

Herson vilâyetindeki Novooleksiyıvka qasabasınıñ sakini Edem Bekirov dekabrniñ 12-nde saba Qırım kirişinde Rusiye quvetçileri tarafından tutıldı. O, 78 anasını ve aqrabalarını ziyaret etmek içün Qırımğa kete edi. İşğalciler Bekirovnı yarımadada qanunsız sila saqlamasında qabaatlay.

Menba UATV
tarih 21.08.2019
kategoriyalar KREML MABÜSLERİ
paylaşmaq
UA|TV top haberleri