Bugün bütün dünya musulmanları Qurban Bayramını qayd ete

uatv
11.08.2019
Foto  depo.ua saytından

Bugün, avgustnıñ 11-nde, bütün dünya musulmanları eñ büyük bayramları olğan Qurban Bayramını qayd etmege başladılar. Bayramnıñ qayd etilmesi avgustnıñ 15-ne qadar devam etecek. Qırımtatarlar onı Qırımda ve Ukrainanıñ qıtadaki qısmında keçireler. İlhaq etilgen yarımadada bazarertesi künü qoşumça raatlıq künü ilân etildi.

Kyivde saba saat 8.00-de İslam medeniy merkezinde bayram namazı ötkerildi. Puşkin parkında ise bayram tedbirleri keçecek.

Ukraina Prezidenti Volodmır Zelenskıy tüm musulmanlarnı bu bayramnen hayırladı. Onıñ muracaatı devlet başınıñ resmiy saifesinde yerleştirilgen.

Zelenskıynıñ qayd etkenine köre, o, Ukrainada yaşağan musulmanlarğa çoq büyük qıymet kese, çünki olar memlekette barışıqlıq qurmaqta büyük yardım köstereler.

Aqmescitte, Keriçte, Aqyarda ve yarımadanıñ diger şeerlerinde bayram tedbirleriniñ ötkerilmesi planlaştırılğan.

Qurban Bayramı büyük meydanlarda cemaat ile qılınğan saba namazından başlana ve ondan soñ er yerde ayvanlarnı soyıp başlaylar. Bu ananeniñ tamırları, alemlerniñ Rabbisi İbraim peyğamberge oğlu İsmailni qurban etip çalmağa bermeyip ve sonki daqqasında qoynı kesmege buyurıp toqtatqanı aqqında qadimiy bir ikâyege barıp yeteler.

Menba UATV
tarih 11.08.2019
kategoriyalar CEMİYET
paylaşmaq
UA|TV top haberleri