Bugün bütün dünya Halqara Ana Tili kününi qayd ete

uatv
21.02.2020
Foto Ukrinform-UATV

Bugün, fevralnıñ 21-nde, bütün dünyada Halqara Ana Tili kününi qayd etile.

Bu aqta UATV haber ete.

Bu kün, 1999 senesi noyabr ayında UNESCO Baş konferentsiyasınıñ HHH sessiyasında belgilenildi ve 2000 senesinden başlap qayd etilip keldi.

1952 senesi Pakistan başlıqları urdu tilini yekâne devlet tili olaraq ilân etti. Bu pek menfiy qarşılanılda, hususan memleketniñ şarqında (Banğladeş), çünki anda episi bengal tilinde laf ete edi.

1952 senesi fevralnıñ 21-nde, Dakkada narazılıq vaqtında, polis ve arbiy hadimler bir qaç narazılıq bildirgen studentni öldürdi. Mustaqillik ilân etilgen soñ Banğladeş Tuvğan til oğrunda küreşip şeit ketkenler kününi qayd ete.

Tamam bu memleketniñ teklifinen UNESCO fevralnıñ 21-ni Halqara Ana Tili Künü olaraq ilân etti.

Teşkilât, tilni bir insannıñ medeniy mensüpliginiñ bir alâmeti olaraq qorçalamağa tırışa. Bundan ğayrı, UNESCO-nıñ fikrince, ecnebiy tiller ögrenilüvi ve çoqtillilik öz-ara yardımlaşuv ve sayğı anahtarıdır.

Джерело UATV
дата 21.02.2020
категорії CEMİYET
поділитися
Топ новин на UA|TV