Britaniya şurası Ukrainada yañı ofis açtı

uatv
16.07.2019
Foto Ukrinform-UATV

Salı künü, iyülniñ 16-nda, Kyivde yañı Britaniya ofisi peyda oldı.

Bu aqta Ukrainadaki Büyük Britaniya Elçiligi Twitterde haber ete.

“Büyük Britaniya elçisi Cüdit Gof Ukraina tasil ve ilim naziri Liliya Grineviç, müessise müdiri Saymon Uilyams ve idare azası Kler Reddington ile beraberlikte Britaniya şurasınıñ yañı ofisini açtı”, – yazıla malümatta.

Britaniya şurası, Büyük Britaniya ve Şimaliy İrlandiya Qoşma Qırallığınıñ halqara teşkilâtıdır. O, 100-den ziyade memlekette çalışa ve medeniy munasebetlerniñ keñleştirilüvinen ve tasil imkânlarnıñ tarqatıluvınen oğraşa.

Ukrainada Britaniya şurası 1992 senesinden başlap çalışa. 5 biñ ingliz tili ocaları içün ihtisasını arttıruv kurslarnı keçirdi.

Menba UATV
tarih 16.07.2019
kategoriyalar UKRAİNA
paylaşmaq
UA|TV top haberleri