Brexit: Avropa Birligi Büyük Britaniyanıñ çıqmasını oktâbrniñ 31-ne qadar qaldırdı

uatv
12.04.2019
Foto AР

Aprelniñ 10-nda nevbetten tış sammitte Avropa Birligi yolbaşçıları Büyük Britaniyanıñ birleşmeden çıqmasını uyğunlaştırıla bilgen bir şekilde 2019 senesi oktâbrniñ 31-ne qadar qaldırıluvı aqqında qarar qabul etti.

Bu aqta Avropa Şurası prezidenti Donald Tusk bildirdi, haber ete Avropa aqiqatı.

“Avropa Şurası Büyük Britaniğa oktâbrniñ 31-ne qadar 50 maddeniñ (AB aqqında Añlaşma) işleme müddetini uyğunlaştırıla bilgen bir şekilde devam etilmesi aqqında qarar aldı. Bu daa qoşma 6 ay”, – yazıla bildirüvde.

Avropa Birliginde eminler ki, er şey Britaniya parlamente bağlı. London Theresa May tarafından kelişinlgen Brexit aqqında añlaşmanı tasdıqlağanınen, başqa vaqıtqa qaldıruv aqqında qarar işlemesi toqtalacaq.

Hatırlatamız ki, bu qarar alınmağan taqdirde Büyük Britaniya Avropa Birligi terkibiinden aprellniñ 12-nde çıqmak kerek edi.

Menba Avropa aqiqatı
tarih 12.04.2019
kategoriyalar Dünya
paylaşmaq
UA|TV top haberleri