BQO vaziyetniñ kerginleşmesi: Zelenskıy Putinnen telefonnen laf etti

uatv
07.08.2019
Foto PO

Donbassta dört ukrain askeri öldürilgen soñ, Ukraina prezidenti Volodımır Zelenskıy telefonnen Rusiye Federatsiyası prezidenti Vladimir Putinnen laf etti.

Bu aqta devlet başı, Baş ştabda Birleşken Quvetler Operatsiyası mıntaqasında vaziyetniñ kerginleşmesine dair keçirilgen muşavereden soñ kütleviy haber vastalarına bildirdi.

Zelenskıy Putiini, Donbassta ateşni toqtatmaq içün boyeviklerge tesir etmesine davet etti.

“Bu bizni barışıqqa yaqınlaştırmamağanını ayttım. Olar, bizim adamlarımıznıñ öldürilmesini toqtatmaları içün o tarafqa tesir etmeñizni rica etem. Birinci. Ekincisi, minasızlaştıruvnı devam etemiz ve bizge Stanâtsı Luganskada köpür qurulmasına vaqıtnı qısqartmağa kerek. Muzakere etilgen daa bir qaç mesele, arbiy esir deñizcilerimizge ait. Lafımız uzun oldı”, – dep tarif etti Zelenskıy.

Bu mesleni Türkiye prezidenti Recep Tayyip Erdoğan ve Frenkistan prezidenti Emmanuel Macron ile muzakere etecegini bildirdi.

“Norman formatı” liderlerinen acele körüşmek kerekmiz, biri-birine baqmaq ve cenkni toqtatmaq kerekmiz”, – dedi o.

Hatırdatamız: Tünevin Donbassta, Birleşken Quvetler Operatsiyası mıntaqasında duşman ateşi sebebinden 4 ukrain askeri elâk oldı.

Menba UATV
tarih 07.08.2019
kategoriyalar SİYASET
paylaşmaq
UA|TV top haberleri