BQO bir yıl içinde tahminen 24 km² Ukraina nezareti altına qaytardı, – Nayev

uatv
02.05.2019
Foto Mudafaa Nazirligi

Ukraina şarqında Birleşken quvetler Operatsiyası başlanğandan soñ bizim qoruyıcılarımız, Minsk añlaşmalarını bozmayıp, Ukraina nezareti altına 24 km² topraqlarnı qaytardı, hususan Vilnıy, Pivdenne ve Şumı köyleri.

Bu aqta BQO’nıñ birinci yılı munasebetinden Birleşken quvetlerniñ komandanı Sergiy Nayev söz yürseti, dep haber ete ştabnıñ matbuat merkezi.

“Eñ büyük irişmeler arasında, ilk-evelâ, duşmannı zayıflatqanımız, ve bunıñ neticesi olaraq tarafımızdan ğayıplarnıñ eksilmesi. Bundan ğayrı regionda cinayet seviyesini tüşürdik, köpürler, yollar ve hastahaneler qurmağa başladıq, ealiniñ raat yaşaması içün kerekli şarait yarattıq”, – dep qayd etti o.

Komandannıñ sözlerine köre, bir yıl devamında BQO quvetleriniñ arbiyleri aman-aman 4576,7 gektarnı patlayıcı aletlerge teşkerdi, 52655 patlayıcını yoq etti, köy hocalığında artıq işletilmege başlağan 1000 gektar topraqlarnı yañarttı.

Bundan ğayrı, arbiylerimiz 374 silâ aletlerini, tahminen 252 kg patlayıcı maddelerni ve 300 biñden ziyade arbiy yedeklerni musadere etti.

“Devlet faydasına, qanunsız işletilgen ve tahminen 274 mln grivnanı teşkil etken maddiy degerlikler alındı”, – dedi Sergiy Nayev.

“Dopomoga Shid” teşebbüsi çerçivesinde Donetsk ve Lugansk vilâyetleriniñ hastahanelerine 5,8 mln grivnalıq tibbiy donatmalar yollanıldı.

“Vatanımız içün ayatını bergenlerniñ qaramanlığı ögüne baş egem. Ğalebe içün küreşimizni devam ettirecekmiz”, – dep yekünledi Sergiy Nayev.

Hatırlatamız, rusiye işğalcileri Donbassta ağır silâlarnı yerleştirmekni devam etmekte.

Menba UATV
tarih 02.05.2019
kategoriyalar Donbass
paylaşmaq
UA|TV top haberleri