Boyevikler ukraina noqtalarına qarşı 8 kere ateş açtı, – ştab

uatv
03.08.2019

Cumaertesi künü, avgust 3-nde, rusiye işğalci ordusı ukraina arbiyleriniñ noqtalarını 8 kere ateşke tuttı. Üç kere olar Minsk añlaşmalarınen yasaq etilgen 120 ve 82 kalibr mina topularından atqan.

Bu aqta BQO ştabınıñ matbuat hızmeti haber etmekte.

“Bundan ğayrı, duşman çeşit sistema granata topuları, tanklarğa qarşı raketa kompleksleri, büyükkalibrli pulemetlar ve atıcılıq silâsından ateş açtı”, – dep aytıla beyanatta.

“Shid” bölgesiniñ nezareti altında Opıtne, Novotroyitske, Verhnotoretske, Krasnogorivka, Lebedinske ve Mıkolayivka caivarlarında 6 kere ateş açılğan.

“Pivniç” bölgesiniñ nezareti altındaki Krımske ve Novoluganske yanında eki kere atışlar olğan.

Ukraina tarafından kimse zararlanmadı.

Menba UATV
tarih 03.08.2019
kategoriyalar Donbass
paylaşmaq
UA|TV top haberleri