Boeing şirketi adamlarnı Ayğa tüşürmek içün öz modulini meydanğa ketirecek

uatv
07.11.2019
Foto Boeing

Boeing şirketi adamlarnı Ayğa tüşürmek içün öz modulini meydanğa ketirecek. Şirket NASA tarafından teşkil etilgen tenderde iştirak etmek içün ariza berdi. Tender Human Lander System leyhası çerçivesinde modul yaratılması içün keçirile.

Bu aqta Ukrinform Engadget atfı etip bildire.

“Boeing şirketi ay minüv moduli leyhasını yaratmağa istey, onıñ yardımınen adamlar Aynıñ yüzüne çıqa bilecek. Şirket bu kibi modulniñ yaratılması içün NASA tarafından teşkil etilgen tenderde iştirak etmek içün ariza berdi”, – yazıla malümatta.

Şirketniñ bildirgenineye köre, Ayğa azğariy vaqıt içinde barıp çıqacaq siyastemanı azırlaycaq eken.

Al-azırda NASA HLS leyhası hususında hususiy kosmok şirketlerinden teklifler qabul ete.

Öz kosmos gemisini yaratacağı aqqında Blue Origin şirketi bildirdi. Onıñ gemisi Blue Moon adını taşıycaq.

Minüv moduli azırlanğan soñ NASA SLS raketasınıñ Orion kapsulasında Ayğa adamlarnı yollaycaq ola.

Yañı “Artemis” programmanı NASA 2024 senisinece kerçekleştirecek ola.

Menba Ukrinform
tarih 07.11.2019
kategoriyalar TEHNOLOGİYALAR
paylaşmaq
UA|TV top haberleri