BMT Telükesizlik şurası oturışında Qırımnıñ qanunsız işğaline uququiy ve siyasiy degerlendirme berilecek

uatv
07.03.2019
Foto 24 kanal

Martnıñ 15-nde ötkerilecek BMT Telükesizlik şupası oturışı vaqtında iştirakçiler vaqtınca işğal etilgen Qırımdaki vaziyetni muzakere etecekler.

Bu aqta Birleşken Milletler Teşkilâtındaki Ukraina daimiy temsilcisiniñ matbuat kâtibi Oleg Nikolenko bildirdi, haber ete Ukrinform.

“Esasen diqqat Rusiye tecavuzınıñ uquqiy ve siyasiy degerlendirmesiniñ, ve bunıñ ile Rusiye Federatsiyası tarafından halqara uquqnıñ bozuluvı Avropa telükesizilgi içün ketirgen aqibetleriniñ muzakeresine ayırılacaq. Ayrı bir diqqat uquq qoruyıcı saağa ayırılacaq”, – dep qayd etti Nikolenko.

Oturış yarımadanıñ qanunsız işğaliniñ 5 yılı munasebeti ile ötkerilecek. O Arria şeklinde olacaq. Yani muzakereler vaqtında tek Telükesizilik şurası azaları degil de, amma BMT diger aza memleketleriniñ temsilcileri ve ükümetke bağlı olmağan teşkilâtlar da iştirak etecek.

Oleg Nikolenko, bir sıra qararlar qabul etilgenine baqmadan, vaqtınca işğal etilgen Qırımda insan aqlarınıñ buzuluvı ep devam etkenini ve BMT Baş assamleyasınıñ qararları kerçekleştirilmemegenini qayd etti. Ve yaqınlarda Ukraina Ortodoks Kilsesi arhiyepiskopı Klimentniñ yaqalanuvı ise daa bir kere Kreml içün iç bir sıñırlar olmamağanını isbatlay.

Menba Ukrinform
tarih 07.03.2019
kategoriyalar SİYASET
paylaşmaq
UA|TV top haberleri