BMT forumında Rusiyeden “Qırım vekilleri”ne söz berilmedi

uatv
29.11.2019
Foto Ukrinform

Birleşken Milletler Teşkilâtınıñ milliy azlıqlar meseleleri forumında işğal etilgen qırımdan Rusiye Federatsiyası Devlet dumasına saylanılğan Ruslan Balbek ve “cemaat teşkilâtı”nıñ başı Anastasiya Gridçina öz esabatlarınen sözge çıqmaqtan marum etildi.

Bu aqta Ukrinform haber ete.

“Protsedurağa köre oturışnıñ soñunda delegatsiyalarnıñ atmağa azır olğan diplomatlarına söz berile. Ve bu yerde Rusiye diplomatı yerine, rus propagandasını tarqatqan “Devlet duması mebusı” Ruslan Balbek sözge çıqtı. Ukraina diplomatı protsedurağa köre Balbekniñ çıqışına itiraz etip başladı. Bu adam sahte delegat olğanını, BMT Baş Аssambleyasınıñ qararını bozğanını ve Rusiyeni temsil etmege aqqı olmamağanını qayd etti. Men ise, umumiy olaraq qabul olunğan parlament protseduraları çerçivesinde, qaidelerni bozmayıp, masağa yüksek sesnen urıp başladım. Böyle etip kollaborantnıñ çıqışını bozdım”, – aytıp berdi Boris Babin.

Onıñ bildirgenine köre, rusiyeliler protseduranı suistimal etti ve Balbekni resmiy delegatsiyağa esassız qoşqanlar.

Oquñız: Qırımtatar tiline tercime etilgen İnsan aqları umumiy beyannamesi tarihta ilk sefer Birleşken Milletler Teşkilâtınıñ resmiy satlarında yerleştirildi.

Menba Ukrinform
tarih 29.11.2019
kategoriyalar QIRIM
paylaşmaq
UA|TV top haberleri