BMT, donorlarnı qış başlamadan evel Donbass içün 52 million dollar tapmağa davet ete

uatv
18.09.2019
Foto Ukrinform-UATV

Qışqa yaqın Donbassta cenkten zarar körgen adamlarğa yardım etmek içün 52 million dollar tapmaq kerek, şunıñ içün Birleşken Milletler Teşkilâtı donorlarnı Ukraina Birleşken gumanitar yardım fondunıñ toldurılması içün ğayretni faalleştirmege davet etti.

Bu aqta, teşkilâtnıñ ştab-dairesinde brifing vaqtında BMT Baş kâtibiniñ temsilcisi Stefan Düjarrik ayttı, dep haber ete Ukrinform.

“BMT ve bizim gumanitar ortaqlarımız, qış kelgeninen, avanıñ arareti minus 15-ten minus 20-ge tüşkende, insanlarnıñ eñ keskin ve acele gumanitar ihtiyaclarını temin etmek içün deral 52 million dollar tapmağa davet eteler”, – dep qayd etti o.

Stefan Düjarrikniñ aytqanına köre, ealiniñ qoruvı içün şimdi deral kerek olğan paranıñ tahminen 16 millionı, qar yağmadan evel minalanğan bölgeler qurbanlarına, minalanğan bölgelerniñ markirovkasına ve minasızlatırıluvına qullanılacaq.

Menba Ukrinform
tarih 18.09.2019
kategoriyalar UKRAİNA
paylaşmaq
UA|TV top haberleri