Birleşken Milletler Teşkilâtı Rusiye Federatsiyasını Qırımtatar Milliy Meclisi yasağını lâğu etmesine davet etti

uatv
30.09.2019

Birleşken Milletler Teşkilâtınıñ insan aqlarını nezaret etüv missiyası, Rusiye Federatsiyasını Qırımtatar Milliy Meclisi yasağını lâğu etmesine davet etti.

Bu aqta, BMT insan aqlarını nezaret etüv missiyasınıñ Facebook saifesindeki muracaatında yazıla.

“3 yıl evelsi, 2016 senesi sentâbrniñ 29-nda, Rusiye Federatsiyasınıñ Yuqarı mahkemesi Qırımnıñ Yuqarı mahkemesi çıqarğan Meclis yasağı qararını deñiştirmedi. Neticede, Meclis, qırımtatarlarnıñ temsiliy organı, bugünge qadar vazifesini yapıp olamay. Birleşken Milletler Teşkilâtı Halqara mahkemesiniñ qararına baqmadan, vaziyet deñişmey. 2017 senesi mahkeme, Rusiye Federatsiyası qırımtatar halqınıñ temsil organlarınıñ, şu cümleden Milliy Meclis, sıñırlamasından vazgeçmek kerek, dep qarar aldı. Biz, Rusiye Federatsiyasını Birleşken Milletler Teşkilâtı Halqara mahkemesiniñ qararını yerine ketirip, Meclis faaliyetiniñ yasağını lâğu etmege davet etemiz”, – dep yazalı teşkilâtnıñ beyanatında.

Menba UATV
tarih 30.09.2019
kategoriyalar QIRIM
paylaşmaq
UA|TV top haberleri