Birleşken Milletler Teşkilâtı Donbassqa 3 yük maşnasınen gumanitar yardım yolladı

uatv
17.12.2019
Foto Ukrinform

“Novotroitske” yoqlav keçitinden Donbassnıñ vaqtınca işğal etilgen bölgederine, Birleşken Milletler Teşkilâtınıñ qaçaqlar meseleleri Baş komissarınıñ idaresi 3 yük maşnasınen gumanitar yardım yolladı. 

Bu aqta Ukraina Devlet sıñır hızmeti haber ete.

Berilgen malümatqa köre, Donbass sakinlerine 24,635 tonnalıq  mebel, sport levazimi ve ev tehnikası yollanıldı. 

Hatırlatamız: İsviçre elçiligi işğal etilgen Donbassqa 22 yük maşnasınen gumanitar yardım yolladı. Bular suv arıtıluvı içün himiyeviy reagentler, tuz, tibbiyet teçhizatlar, hlor kireçi ve faalleştirilgen kömür.

Bundan evel Qızıl Haçnıñ halqara komiteti Donbassqa 23, 95 tonna gumanitar yardım yollağan edi.

Oquñız: Donbasstaki çatışma devamında 172 bala elâk oldı, – UNICEF.

Джерело UATV
дата 17.12.2019
категорії Donbass
поділитися
Топ новин на UA|TV