Birleşken Milletler Teşkilâtı Donbassqa 157 tonna gumanitar yardım yolladı

uatv
22.11.2019
Foto Ukrinform-UATV

“Novotroitske” yoqlav keçitinden Donbassnıñ vaqtınca işğal etilgen bölgederine, Birleşken Milletler Teşkilâtınıñ qaçaqlar meseleleri Baş komissarınıñ idaresi 19 yük maşnasınen gumanitar yardım yolladı. 

Bu aqta Ukraina Devlet sıñır hızmeti haber ete.

Berilgen malümatqa köre, Donbass sakinlerine 157 tonnalıq tibbiy preparatlar, gigena taqımları ve qurucılıq malzemeleri yollanıldı. 

Hatırlatamız: İsviçre elçiligi işğal etilgen Donbassqa 22 yük maşnasınen gumanitar yardım yolladı. Bular suv arıtıluvı içün himiyeviy reagentler, tuz, tibbiyet teçhizatlar, hlor kireçi ve faalleştirilgen kömür.

Bundan evel Qızıl Haçnıñ halqara komiteti Donbassqa 132,3 tonna gumanitar yardım yollağan edi.

Evel Lugansk vilâyetine Letoniyadan 16 biñ yevrolıq 15 tonna gumanitar yardım kelip çıqtı. Sıcaq urblar ve ilâclar cebe yanındaki meskün yerlerge yollanıldı. Yardımnı Stanıtsâ Luganska ve Marinka sakinleri aldı. Bu endi Letoniyadan kelgen ilk gumanitar yardım degil. Nevbetteki yardımnı yañı yılğa yaqın yollacaq olalar

Джерело UATV
дата 22.11.2019
категорії Donbass
поділитися
Топ новин на UA|TV