Bir afta içinde Ukrainada aman-aman 120 biñ abituriyent qayd etildi

uatv
08.07.2019
Foto unn.com.ua saytından

Ukraina abituriyentleri kiriş kampaniya başlanğan soñ aman-aman 120 biñ elektron saifeni qayd etti.

Bu aqta Ukraina tasil Nazirliginiñ matbuat hızmetinde haber etile.

“Kiriş kampaniyasınıñ bir aftası içinde beklenilgen elektron saifeler köleminde tahminen 70% yaratıldı: iyülniñ 8-nde saba olarnıñ sayısı 119 155 teşkil ete, olardan 118 816 biñ aktivatsiyadan keçti, – dep haber etile müessiseniñ saifesinde. – Umumen bu sene 160 biñ elektron saife qayd etilecegi beklenile”.

Nazirlikte qayd etkenlerine köre, iyülniñ 10-ndan başlap bu kabinetler vastasınen mezunlar aliy oquv yurtlarına arizalar bere bilecek. Böyle kabinetlerni avgustnıñ 30-nace yaratmaq mümkün.

Faqat, şunı nazarğa almaq kerek ki, bakalavr ve magistr seviyelerine arizalarnıñ qabul etilmesi ZNO sertifikatları boyunca kirgen talebelerniñ vesiqaları iyülniñ 22-nace qabul etilecek. İcadiy konkurstlar iyülniñ 1-nden 10-na qadar devam etecek. Subetleşüvler, kiriş imtianları ya da icadiy konkurslar iyülniñ 16-nace ötkerilecek.

Menba UATV
tarih 08.07.2019
kategoriyalar CEMİYET
paylaşmaq
UA|TV top haberleri