Bekleyim ve ümüt etem: siyasiy mabüs Şumkov Rusiye cezahanesinden mektüp yolladı

uatv
18.09.2019
Foto Ukrinform-UATV

Rusiye Federatsiyasında qanunsız sürette apiske alınğan ukrain siyasiy mabüsi Оleksandr Şumkov Letoniya faali Tatyana Lazdаgа meküp yazdı.

Faal mektüp metinini öz Facebook saifesinde yerleştindi, dep haber ete UATV.

“Niayet işler yerinden qıbırdadı ve çoqusı balla endi evlerine qayttı. Bu künlerde Volodâdan (Baluh) mektüp aldım. Yazğ anını köre,şimdi “Feofaniyada” tedaviylene eken. Şükür, o evde, azatlıqta, çünki men onı pek qasevet ettim, müddeti bitkencek sağ qalsıñ dep”, – yazdı Kreml mabüsi.

Bunıñ ile o “malümat destegi” içün minnetdarlıq bildirdi.

Şumkov, o nevbetteki deñişüv cedvellerine kirsetilecegine ve 2020 senesi dekabr ayınacek, apis müdeti bitkencek, beklemek kerek olmaycağına ümüt ete.

Оleksandr Şumkov Yevromaydan faal iştirakçisi oldı, Ukraina Silâlı Quvetlerinde hızmet etti. O, 2017 senesi avgustnıñ 17-nde aqşam tutıp alındı.

Siyasiy mabüsniñ aytqanına köre, ona bir qaç erkek ücüm etti ve manşnağa oturttı, özüne kelgende ise o endi Rusiyede edi.

Menba UATV
tarih 18.09.2019
kategoriyalar KREML MABÜSLERİ
paylaşmaq
UA|TV top haberleri