Bekirov yürek ağırısı ve tutuluvlarğa şikâyet ete, – adliyeci

uatv
16.07.2019

Aqmescit SİZO-sınıñ tibbiy bölüginde tutulğan Edem Bekirovnıñ sağlıq vaziyeti beterleşti.

Bu aqta adliyeci Aleksey Ladinge esaslanaraq, Qırım. Aqiqat haber etmekte.

“Soñki dört kün pek küçlü tutuluvları ola, yuqlap olamay. Bundan ğayrı, yürek ağırısına şikâyet ete. Aritmiyası da bar. Azçıq tursa, ya da sipirki alsa, basımı köterile. Bu sebepten er vaqıt yatmaq kerek”, – dedi adliyeci.

Adliyeciniñ aytqanına köre, şeker köterilmemesi içün Bekirov kimerde iç bir şey aşap olamay.

Edem Bekirovnıñ aqrabaları bildirgenine köre, olar Bekirovda bitken ilâclarnı da oña teslim etip olamay, çünki olarğa SİZO-dan izin berilmey.

Edem Bekirov keçken sene Qırım memuriy sıñırında tutuldı. Uydurılğan qabaatlav sebebinden Bekirov Aqmescit SİZOsında tutula. Anda, şeker ve yürek hastalıqları olğan, em de bir ayağı kesilgen faal deşetli şaraitte tutula.

Menba UATV
tarih 16.07.2019
kategoriyalar KREML MABÜSLERİ
paylaşmaq
UA|TV top haberleri