“Başta 15-17 yıl apis cezalarına mahküm etilgen bizim semetdeşlerimiz çıqmalı”, – Cemilev deñişüv aqqında

uatv
10.02.2020
Foto Ukrinform-UATV

Qırımtatar halqı lideri, Ukraina halq mebusı Mustafa Cemilevniñ fikrince, deñişüv çerçivesinde ilk-evelâ mahkümiyet müddetleri çoq olğan Qırım sakinleri azat etilmek kerek.

Bunı o Qırım. Aqiqat radiosınıñ yaynında bildirdi.

“Ukraina telükesizlik hızmeti bizge bütün bu cedvelni tasdıqlav içün berdi. İlk-evelâ kim azat etilmek kerek olğanı aqqında öz baqışlarımız bar. Bizim fikrimizce başta 15-17 yıl apis cezalarına mahküm etilgen bizim semetdeşlerimiz çıqmalı. Ev apsinde, ketmemesizlik senetinen oturğanlar bar – olarnı eñ soñunda çıqarmaq kerek, çünki olar, apishanelerde oturğanlarğa baqqanda azca azap çekeler”, – dedi o.

Mustafa Cemilev, “bir esanas” bar ve er bir soyadı baqalmaqta olğanını qayd etti.

Evel, Ukraina prezidenti Volodımır Zelenskıy, Rusiye Federatsiyası ve işğal etilgen topraqlarda qanunsız sürette tutulğan Ukraina vatandaşlarınıñ azat etilmesi üzerinde faal bir iş yürsetilgenini bildirgen edi.

Джерело UATV
дата 10.02.2020
категорії KREML MABÜSLERİ
поділитися
Топ новин на UA|TV