Barışıq Nobel mukâfatını Abeşistan baş naziri aldı

uatv
11.10.2019
Foto Office of the Prime Minister – Ethiopia

Barışıq Nobel mukâfatını Nobel komiteti Abeşistan baş naziri Abiya Ahmedge berdi.

Bu aqta mukâfatnıñ resmiy Twitter saifesinde haber etile.

Onı, Eritreya ile 12 yıldan ziyade devam etken cenkten soñ taraflarnı barıştırıp olğanı içün qayd ettiler. Halqara közeticilerniñ qıymetlendirüvine köre, cenkte 100 biñden ziyade kişi elâk oldı. Bu eki devlet, dünyanıñ eñ fuqare memleketlerinden birileri olğanına baqmadan, taraflar cenkke yüzlerce million dollar masraf eti.

Mukâfat laureatınıñ adını Osloda ilân ettiler – bu endi anane oldı. Diger Nobel laureatlarını ise Stokgolmda ilân eteler.

Ğaliplerniñ resmiy mâkâfatlanuv merasimi dekabrniñ 10-nda, mukâfat tesisçisi Alfred Nobelniñ ölüm kününde olacaq.

Menba UATV
tarih 11.10.2019
kategoriyalar İLİM
paylaşmaq
UA|TV top haberleri