Baluhnıñ advokatı Rusiye mahkemesinde maneviy zarar içün tazminat talap etecek

uatv
10.09.2019
Foto Qırım. Aqiqat

Sentâbrniñ 26-nda, Rusiye Federatsiyası Tver vilâyetiniñ Torjok rayonlarara mahkemesi, Rusiye esirliginden azat etilgen ukrain Volodımır Baluhnıñ advokatı bergen şikâyetni baqacaq. Şikâyet sebebi, Baluhnıñ ceza izolâtorında sürekli bulunuvı oldı.

Bu aqta Qırım. Aqiqatqa sabıq siyasiy mabüsniñ advokatı Ölga Dinze aytıp berdi.

“Baluh sicilinen beraber cezahaneden çıqıp ketkeni sebebinden, mahkeme oturışı başqa vaqıtqa qaldırıla. Çünki baqıluv içün nasıldır bir manialar peyda olğan. Men areket etmege devam etem. Nevbetteki mahkeme oturışı sentâbrniñ 26-nda olacaq”, – dedi advokat.

Bunıñ ile Ölga Dinze, Rusiye mahkemesinde maneviy zarar içün tazminat talap etecegini qayd etti. Bundan ğayrı advokat, evel berilgen malümatlar esasında dava baqılmasını isteycek.

Hatırlatamız: Ukraina Yuqarı Radası insan aqları vekâletlisi Lüdmila Denisova, Rusiyede daa 113 Ukraina vatandaşı tutula, olardan 89-ı – qırımtatar, dep bildirdi.

Menba Qırım. Aqiqat
tarih 10.09.2019
kategoriyalar KREML MABÜSLERİ
paylaşmaq
UA|TV top haberleri