Baluh koloniyadan mektüp yazdı

uatv
15.08.2019

Rusiyedeki Tver vilâyetiniñ koloniyasında qanunsız tutulğan siyasiy mabüs Volodımır Baluh ukraina faali Tetâna Lazdağa mektüp yazdı. Mektüpte o, koloniyadaki qıyınlıqlar aqqında ikâye ete ve aytqanına köre, faalerden kelgen mektüpler oña bu qıyınlıqlarnı dayanmağa yardım ete. Mektübiniñ soñunda Baluh apiste tutulğan qardaşlarına selâm yollay.

2016 senesiniñ soñunda Volodımır Baluhnı Rusiye FSBsiniñ hadimleri tutıp aldı. Olar Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Rusiye kontrolindeki Qırım mahkemesi onı silâ saqlaması maddesinde qabaatlap 5 yılğa azatlıqtan marum etti. Baluh qabaatını tanımayıp, açlıq başlağan edi. Baluhnıñ imayesi ve aq qorçalayıcıları onıñ Ukraina tarafdarı olğanı içün repressiyalarnıñ qurbanı oldı, dep tüşüneler.

Menba UATV
tarih 15.08.2019
kategoriyalar KREML MABÜSLERİ
paylaşmaq
UA|TV top haberleri